Sirkularitet og effektiv ressursbruk

For oss handlar sirkularitet om å:

• Forlenge levetida på eksisterande kraftverk og damanlegg
• Redusere avfallsmengder
• Sortere, gjenvinne og ombruke ressursar
• Ta i bruk materialar som er resirkulerte eller designa for sirkularitet

Slik bidreg vi:

• Drift og vedlikehald:
  Vi gjennomfører årlege tiltak for å forlenge levetida på kraftverk og damanlegg, slik at dei kan produsere fornybar energi i mange tiår framover.
• Materialgjenvinning:
  Store komponentar som vert tekne ut av drift, blir materialgjenvunne.
• Gjenbruk av massar:
  Når vi spreng kraftverkstunnellar, legg vi til rette for at massane blir nytta til samfunnsnyttige føremål lokalt og regionalt, for å unngå unødvendig deponering.
• Resirkulerte materialar:
  Vi kjøper resirkulert stål der det er forsvarleg for konstruksjon og sikkerheit.
• Avfallssortering:
  Vi sorterer avfall på alle oppmøteplassar og i alle prosjekt for å maksimere resirkulering.

Lokal verdiskaping

Å produsere straum betyr å ta naturen i bruk – og gje noko tilbake til lokalsamfunna.

Lokal verdiskaping er eit viktig mål for SFE. Aktiviteten vår skapar positive ringverknader i regionen vår, både gjennom økonomiske bidrag og støtte til samfunnslivet.

Vi bidreg til lokal verdiskaping gjennom:

• Økonomiske overføringar i form av utbyte, skattar og avgifter til eigarar og vertskommunar
• Arbeidsplassar direkte i SFE og hos lokale leverandørar
• Sponsoraktivitetar og støtte til lokale idrettslag, kulturtilbod og frivillige initiativ
• Samarbeid med skular, høgskular, forskingsmiljø og næringsliv for å styrke kunnskap, rekruttering og innovasjon
• Deltaking i forskingsprosjekt som utviklar fornybar energi og lokal verdiskaping vidare

Gjennom desse bidraga medverkar vi til å skape bulyst, skaparglede og eit berekraftig grunnlag for vidare utvikling i regionen vår.