Klima, natur og sirkularitet
Klimaendringane er vår tids største utfordring – og samtidig ein sterk drivkraft for energiomstillinga.
SFE sitt viktigaste bidrag er å produsere meir rein, fornybar energi frå vatn og vind, og dermed redusere behovet for fossil energi både lokalt og globalt.
Vi er oss bevisst at auka kraftproduksjon også krev meir av naturen. Derfor styrkjer vi innsatsen vår for å sikre at utviklinga skjer på einberekraftig måte – med omsyn til både klima, natur og ressursbruk.
Gjennom heile verdikjeda – frå planlegging og utbygging til drift og vedlikehald – jobbar vi for å redusere klimafotavtrykket vårt.
Vi tek i bruk ny teknologi, gjennomfører klimatiltak i eigne prosjekt, og stiller krav til leverandørar og samarbeidspartnarar.
Sirkularitet er ein integrert del av dette arbeidet:
Vi jobbar for betre ressursutnytting, lengre levetid på anlegg, redusert avfall og meir ombruk og gjenvinning.
