Utrygg is på regulerte vatn

Skal du på ski, skøyter eller fottur i vinterferien? Islagde vatn kan vere ein flott arena for leik og aktivitet, men hugs at isen ikkje alltid er trygg.

Ver særleg merksam på regulerte vatn – altså vatn som blir nytta til kraftproduksjon. Her kan isen vere svekka og dårlegare enn på andre vatn, spesielt der vatnet er i rørsle. Det gjeld mellom anna:

• område ved inntak og utløp av vasstunnellar
• ved bekkar, bekkjeinntak og elveosar
• både langs land og ute på sjølve vatnet

På nedtappa vatn kan det òg danne seg store sprekker langs land. Desse kan vere skjulte under snø og vanskelege å sjå.

Ein god regel er derfor å halde seg unna regulerte vatn. Sjå alltid etter skilting i området og sjekk iskart.no før du dreg på tur.

Og hugs: Sjølv om det ikkje er meldt om særleg fare, må du alltid vurdere tryggleiken der du er.

Vi ønskjer deg ein god og trygg tur i naturen!